ಚೈತ್ರಾ ಶಿವಯೋಗಿಮಠ ಹೊಸ ಕವಿತೆ- ನಿರ್ಭಯವಾಗಿ ಬದುಕುವುದೆಂದರೆ..

ಚೈತ್ರಾ ಶಿವಯೋಗಿಮಠ

ನಿರ್ಭಯವಾಗಿ ಬದುಕುವುದೆಂದರೆ
ಮತ್ತೊಬ್ಬರನ್ನು ಚುಚ್ಚಿ ಇರಿದು
ಸಮರ್ಥಿಸಿಕೊಳ್ಳುವುದಲ್ಲ
ಪ್ರತಿ ವಾದದಲ್ಲೂ ಗೆಲ್ಲುವುದಲ್ಲ
ತನ್ನ ಇಷ್ಟ ಕಷ್ಟಗಳನ್ನು ಸದಾ
ಹೇರುವುದೂ ಅಲ್ಲ

ಮುಂಜಾನೆ ಮೆಲ್ಲಗೆ ಅರಳಿ ಸಂಜೆಗೇ
ಸಾಯುವುದೆಂದು ಗೊತ್ತಿದ್ದರೂ
ಇರುವಷ್ಟೂ ಹೊತ್ತು ಬಾಯ್ತುಂಬಾ ನಕ್ಕು
ಕಂಡವರಿಗೆಲ್ಲಾ ಮುಗುಳ್ನಕ್ಕು
ಮೋಸಮಾಡುವರೆಂದು ಗೊತ್ತಿದ್ದೂ
ಪ್ರೀತಿಸುವೆನೆಂದು ಬಳಿಬಂದವರಿಗೆ
ಎದೆ ತೆರೆದು ಪ್ರೀತಿ ಹರಿಸುವುದು

ನಿರ್ಭಯವಾಗಿ ಬದುಕುವುದೆಂದರೆ
ಕಗ್ಗಪ್ಪು ಇಜ್ಜಲೆಂದು ತಿಳಿದಿದ್ದರೂ
ಮೌನವಾಗಿ ಕಾಲಗರ್ಭದೊಳಗೆ
ಹೂತು ಒಂದೊಮ್ಮೆ ಪ್ರಖರವಾಗಿ
ಹೊರಹೊಮ್ಮುವುದು

ನಿರ್ಭಯವಾಗಿ ಬದುಕುವುದೆಂದರೆ
ಒಡಲೊಳಗೆ ಜ್ವಾಲೆ ಉರಿದರೂ
ಮಡಿಲೊಳಗೆ ಹಸುರ ಚಿಗುರಿಸುವುದು
ಉಸಿರ ಪ್ರಣತಿಗೆ ದೀಪ ಮುಡಿಸುವುದು

ನಿರ್ಭಯವಾಗಿ ಬದುಕುವುದೆಂದರೆ
ಮೌನವಾಗಿ ಮಿಡಿಯಬಲ್ಲ ಕಲೆ
ಗಮ್ಯ ತಿಳಿದರೂ ಗತಿಯ ಕಾಯುವುದು
ತಿಳಿಯದಿದ್ದರೆ ಮತಿಯ ಕಾಯುವುದು

‍ಲೇಖಕರು Admin

July 18, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: