ಗಾಂಧಿ ಕುಟ್ಟುವ ಕೋಲು

ಬಿದಲೋಟಿ ರಂಗನಾಥ್

ಗಾಂಧಿ ಕುಟ್ಟುವ ಕೋಲಿನ ಸದ್ದಿಗೆ
ಆಂಗ್ಲರು ನಿದ್ದೆಕೆಟ್ಟರು
ಭಾರತೀಯರು ನಿದ್ದೆಯಿಂದೆದ್ದರು

ಕನಸುಗಳು ಕೊನರುವ ಕೋಲಿನೊಳಗೆ
ಭಾರತಾಂಬೆಯನ್ನು ಬಿಡಿಸಿಕೊಳ್ಳುವ ಕನಸಿಗೆ
ಕಣ್ಣು ಮೂಡಿ, ಕತ್ತಲೆಯನ್ನು ಸೀಳುತಿತ್ತು.

ಅರಿವಿನ ದೀಪಕೆ
ಎಣ್ಣೆ ಹೊಯ್ದ ಗಾಂಧಿ
ಭಾರತೀಯರ ಮನಸುಗಳಿಗೆ
ಬೆಳಕು ಚೆಲ್ಲಿ.. ಒಗ್ಗಟ್ಟಿಗೆ ಗಜ್ಜೆ ಕಟ್ಟಿದರು.

ಗಾಂಧಿಯ ಮನಸಿನ ಕೋಲಿನ ಕಿಡಿ
ಪಂಜಾಗಿ, ಸುತ್ತಿದ ಬಟ್ಟೆ ಬ್ರಿಟೀಷರ ಅಟ್ಟಹಾಸವಾಗಿ
ಎಣ್ಣೆ , ಜಾಗೃತ ಮನಸುಗಳ ಅರಿವಾಗಿ
ದಾರಿಗೆ ದೀಪವಾಗಿ ನಡೆಕಾರನ ನಡೆಸುತಿತ್ತು.

ಆಂಗ್ಲರಿಗೋ
ಗಾಂಧಿಕುಟ್ಟುವ ಕೋಲಿನ ಮೇಲೆ ಕಣ್ಣು
ಎಷ್ಟೋ ಬಂದೂಕುಗಳು ಮಾತಾಡಿದರು
ಕೋಲು ಜಪ್ಪಯ್ಯ ಅನ್ನಲಿಲ್ಲ.!

ಅಹಿಂಸೆಯಿಂದ ಗೆಲ್ಲುವ ಮನಸ್ಸಾದರೂ
ಕುಟ್ಟುವ ಕೋಲಿನ ಸದ್ದಿಗೆ
ಬ್ರಿಟೀಷರ ಪಾರ್ಲಿಮೆಂಟೇ
ತರಗುಟ್ಟುತಿತ್ತು

ಆ ಕೋಲು ಎಂದೂ ನಿದ್ದೆ ಮಾಡಿದ್ದಿಲ್ಲ
ಮೂಲೆಯಲ್ಲಿ ನಿಂತರೂ ಬ್ರಿಟೀಷರ ಎದೆಗೆ
ಕುಟ್ಟುವ ಸದ್ದು ಕೇಳುತ್ತಲೇ ನಡುಕ ಹುಟ್ಟಿಸಿತ್ತು

ಎಲ್ಲಾ ಶಾಂತ ಹೋರಾಟಕ್ಕೂ
ಗಾಂಧಿ ಬೇಕೇ ಇರಲಿಲ್ಲ
ಅವರ ಕೋಲಿದ್ದರೆ ಸಾಕು !
ಅಷ್ಟೇ ಭಯ ಮರ್ಯಾದೆ ಕೋಲ ಕಂಡರೆ.

ಒಂದು ದಿನ
ಕಾಲು ಮುರಿದುಕೊಂಡ ಕೋಲು
ನೋವಿನಿಂದ ಸುಮ್ಮನೆ
ಕಣ್ಣ ರೆಪ್ಫೆ ಮುಚ್ಚಿತ್ತೇನೋ
ಉಸಿರೆಳೆದು ಉಸಿರ ಬಿಡುವಾಗ,
ನಾಥರಾಮ್ ಗೂಡ್ಸೆ ಎಂಬ ಹಂತಕ
ಕೋಲನ್ನೇ ಅಪಹರಿಸಿ ಸುಟ್ಟು ಬಿಟ್ಟ.!

ಸದ್ಯ
ಅಲ್ಲಿಗಾಗಲೇ
ಸ್ವತಂತ್ರದ ಭಾವುಟ
ಭಾರತಾಂಬೆಯ ಮುಡಿಯಲ್ಲಿತ್ತು.

ಕುಟ್ಟಿ ಎಚ್ಚರಿಸುವ ಕೋಲನ್ನ
ಕಳೆದು ಕೊಂಡ ದುಃಖ
ಭರತಖಂಡದಲ್ಲಿ ಮಡುಗಟ್ಟಿತ್ತು.!!

‍ಲೇಖಕರು Admin

October 4, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

2 ಪ್ರತಿಕ್ರಿಯೆಗಳು

  1. Anonymous

    ರಂಗನಾಥ ಸರ್ ನಿಜವಾಗಿಯೂ ಕೋಲಿನ ಶಕ್ತಿ ಅನಿರ್ವಚನೀಯ. ಬಾಪೂಜಿ ನಿಮ್ಮ ಕೈಯೊಳಗಿದ್ದ ಕೋಲು ಕೋಲ್ಮಿಂಚಿಗೂ ತರಿಸಬಹುದಲ್ವೆ ಸೋಲು. ಬಾಲ್ಯದಲ್ಲಿ ಓದಿದ್ದು ಕವಿಯ ನೆನಪಿಲ್ಲ.

    ಪ್ರತಿಕ್ರಿಯೆ
  2. vasudeva nadig

    Ghandhiji avara kolina bagge heege yochisida bage ananya mattu ruupakaatmaka…aparoopada chintane. ee hindeuu ranganath ambedkar kotina bagge barediddaru..parichita sangatigalhannu hosa aayamagalhalli noduva avara niluvu shlaaghaneeya..kaviteya shareera innashtu kaavyatmaka vaagabahudittu..

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: