ಕಾವ್ಯ ಎಂ ಎನ್ ಹೊಸ ಕವಿತೆ – ಚೌಕದೊಳಗಿನ ಅಟ್ಟಹಾಸ

ಚೌಕದೊಳಗಿನ ಅಟ್ಟಹಾಸ

-ಕಾವ್ಯ ಎಂ.ಎನ್.

—-

ಕೃತಕ ಕತ್ತಲ ಕಾಮಕೇಳಿಗೆ

ಬೆಳಕು ಬೆತ್ತಲಾದ ಗಳಿಗೆ

ನನ್ನ ಕಿರುಬೆರಳ ಸಂಧಿಯಿಂದ

ಜಾರಿಬಿದ್ದ ನಕ್ಷತ್ರಗಳ ಸಾವು

ಈ ಹೊತ್ತಿನ ಕ್ಷಣಿಕ ಸತ್ಯ

ತೃಷೆಯ ತುಷ್ಠಿಗುಣ

ಹರೆಯದ ಬೇಸಿಗೆ ಕನಸು

ಉರಿವ ಜಡದೊಳಗೆ

ಹೊತ್ತಿದ ಅಮೂರ್ತದ ಕಿಡಿ

ಬತ್ತಿದ ನಾಲಿಗೆಗೆ ಒರತೆಯ ಹುಡುಕಾಡ

ಬೆವರು ಬದಲಾಯಿಸುವ ಕ್ರಿಯೆಗೆ

ಒಲವೆಂಬ ಲೇಪನ

ಅರ್ಥವಾಗದ ಸುಳ್ಳು.

ಭ್ರಮಿಸುವ ಭಾವದ ಜುಗಲುಬಂಧಿ

ಶಸ್ತ್ರವಿಲ್ಲದೆ ಹೂಡಿದ ಯುದ್ದದಲಿ

ನಿತ್ರಾಣಗೊಂಡ ನನ್ನ ದೇಹದ

ಮೇಲಾದ ದಾಳಿಗೆ ಪುರಾವೆಗಳೆ ಇಲ್ಲ

ಕಚ್ಚಿದ ದಿಂಬುಗಳ ಕಣಿವೆಯೊಳಗೆ

ತೂರಿ ಹೋದ ಹನಿಗಳ

ಲೆಕ್ಕಾಚಾರ ಬಂದೂಕಿನ ನಾಲೆಯಿಂದ ಹೊಮ್ಮಿದ ಸದ್ಧಿನಂತೆ

ಚೌಕದೊಳಗಿನ ಅಟ್ಟಹಾಸ

ಛಾವಣಿಯ ಕಿವಿಗೆ ಕಿವುಡ ಭಾವ

ಮಲಿನ ಕ್ಷಣಗಳಲಿ ನಷ್ಟವಾಗುವ

ರಸವಿರದ ನಿಮಿಷಗಳು

ಕೆಣಕಿದಷ್ಟು ನಿಗೂಡ.!!

‍ಲೇಖಕರು avadhi

November 27, 2023

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: